أحدث الصور
من طرف *دبرة كن تنخسه ولا ببره( الدبرة الجرح يقال لنبش المشاكل كلما نبشتها لا تنتهي كالجرح كلما نكأته لا يبري)
* دنيا دبنقا دردقي بشيش ( الدبنقا وعاء ضخم من الفخار تحفظ فيه الغلال كالصومعة ودايعني مسايرة الدنيا والتمشي معها بالحذر الازم)
*شجراي كن هوززت يا اماتن هبوباي يا اماتن ابلانج( ويعني ان لكل شي سبب فالشجرة لو اتحركت لسببين يا هبوباي وهي الريح او الهبوب او ابلانج وهو القرد يطلع الشجرة فتتحرك)
*البدسي ايدو في جحر دابي بعضي( وتضرب للبفتش للمشاكل بقع فيها وذي مافي المثل البدخل يدو في جحر الدابي بعضيهو)
* كبر النفس صغر عيال التبلدي( كبر النفس التكبر والعلو ويمثلوه بشجرة التبلدي كبيرة وعالية وضخمة وثمارها صغيرة كذلك المتكبر كالرجل الذي في قمة جبل يري الناس صغارا ويرونه صغيرا)
*الكلمة الطيبة بخور الباطن( كل اناء فمافيه ينضح)
*شجراي كان مالت بتكي في اخيو( الزول لو احتاج بحتاج لاخوه زي الشجرة لو مالت بتتكي في اختها)
*بليلة مباشر و لا ضبيحة مكاشر( الانسان يكرمك هاشا وباشا حتي لو ببليلة ولا يضبح ليك وهو مكاشر او متضايق)